يــاللي تجــر الصــوت وألحــانكـ عذاااب

قلب يالي من عنا الوقت منصـاب

قلبـي صويـب ومـا لقينـا علاجـه

بإصابة القلب الشقي حـاروا أطبـاب

وعزي لمـن همـه يكـدر مزاجـه

وهمـوم قلبـي دونهـا قفـل دولاب

عشـر سنـوات تنتظـر لانفراجـه

ترجي متى تعفى ويفتـح لهـا البـاب

وتسمع صدى صوتِِ ينادي انبراجـه

يا ما اجتهدت وطارق كـل الأسبـاب أ

أتبع طريق الحق ما أخشى المواجـه

وأصارع الوقت الـذي كشـر انيـاب

اللـي يـا عاملنـي وكنـي خواجـه

يوم أكثر أصحابي غدوا كنهم أحزاب

وكلِِ على مـا قيـل يتبـع خراجـه

اشره على الطيب من اقراب واصحاب

يوم الزمـن عقـد بوجهـي حجاجـه

كلِِ تخـلا والقمـر فالسمـاء غـاب

والجو فـي دنيـأي كـوس عجاجـه

والي تخلا مـا حسبنـا لـه أحسـاب

أهـم شـي انحـن معـاد أنتواجـه

مانلحـق المقفـى مشاريـه وعتـاب

ومن صـد عنـا مالنـا فيـه حاجـه

الحـر منزالـه شواهيـق وهضـاب

عنـده وتبقـى عـزة النفـس تاجـه

وأقول له يـا باشـة الوقـت غـلاب

خلا قـوي البـأس يشـرب هماجـه

فيا اللي تجر الصوت وألحانك أعذاب

ردد حجر ذا الوقت يخشى الزجاجـه